Komisioni Europian ka marrë hapin e parë drejt penalizimit financiar të Italisë me arsyetimin se ka shkelur rregullat fiskale europiane.
Në një raport të publikuar të mërkurën tregohet se borxhi publik masiv i Italisë në 2018 shkeli rregullat e buxhetit të BE dhe se kjo nënkupton fillimin e procedurave të shkeljes.
“Italia nuk parashikohet të jetë në përputhje me standartin e reduktimit të borxhit në 2019 ose 2020, bazuar në planet qeveritare dhe në parashikimin e vitit 2019,” thuhej në raport.
Sipas ligjit të BE-së, shtetet anëtare duhet t’i përmbahen udhëzimeve buxhetore dhe të mbajnë borxhin publik nën 60% të PBB-së. Sipas të dhënave zyrtare, borxhi publik i Italisë u rrit në më shumë se 132% të PBB-së në 2018.
“Kur shohim ekonominë italiane, po shohim dëmin që zgjedhjet e kohëve të fundit”, tha nënpresidenti i Komisionit Valdis Dombrovskis të mërkurën.
Ministri i Financave i Italisë, Giovanni Tria, tha më parë gjatë javës se problemet e borxhit të Italisë ishin për shkak të një rënieje ekonomike dhe premtoi se buxheti i ardhshëm 2020 do të përmbushte rregullat e BE.
Komisioneri Europian i Ekonomisë Pierre Moscovici tha të dielën se BE preferon dialogun, e jo sanksionet por shtoi se Italia duhet të ndjekë rregullat evropiane.
Komiteti Ekonomik dhe Financiar i BE-së tani duhet të vendosë nëse do të mbështesë raportin e Komisionit. Nëse mbështet raportin deri më 19 qershor, procesi do të fillojë në takimin e ministrave të financave të BE në mes të korrikut.
Ministrat e financave do të duhet të vendosin nëse do të mbështesin masat disiplinore. Nëse veprojnë, atëherë Italia do të kërkohet të miratojë udhëzimet e BE-së për shtrëngimin e buxheteve publike dhe rritjen e disiplinës fiskale.
Në rast se Italia konsiderohet jo-pajtuese në zbatimin e udhëzimeve të BE-së, ajo mund të përfundojë duke u goditur me sanksione të paprecedentë.
Shumë vende anëtare të BE u përballën me procedura disiplinore të deficitit gjatë krizës financiare të euros, por asnjë nuk iu nënshtrua gjobave.
Të mërkurën, Salvini, i cili është gjithashtu ministri i brendshëm, u bëri thirrje vendeve anëtare të rishikojnë rregullat financiare të BE. Partia euroskeptike kundërshton çdo masë fiskale të BE-së.
Nga Deutche Welle
VAZHDO TË LEXOSH MË TEPËR PËR TEMËN
A do të marrë fund konflikti Itali-BE?
Shtohen tensionet Itali-BE
BE-Italisë: Mos u tregoni naivë me Kinën
