Ndërkohë që lidhjet ndërmjet SHBA dhe Turqisë janë kthyer në një konflikt që acarohet dita-ditës, marrëdhëniet midis SHBA dhe Greqisë po përmirësohen me shpejtësi.
Sekretari Amerikan i Tregtisë, Wilbur Ross mbërriti të premten në Selanik së bashku me një grup zyrtarësh amerikanë dhe kompani amerikane për një panair ndërkombëtar tregtar.
50 kompani amerikane duke përfshirë markat më të mira Coca-Cola, Google, Microsoft, Facebook dhe Lockheed Martin, po ekspozojnë produktet e tyre në panairin ndërkombëtar të këtij viti në qytetin verior të Greqisë.
SHBA është paraqitur si “i ftuari i nderit” në panair, një titull që pasqyron marrëdhëniet që po përmirësohen midis Uashingtonit dhe Athinës.
Kryetari i Shefave të Përbashkët të Shtabit, Gjeneral Joseph Dunford, përfundoi vetëm një vizitë dy-ditore në Greqi, duke thënë se Uashingtoni po kërkon të shtojë praninë e saj ushtarake në vend dhe për të rritë bashkëpunimin për mbrojtjen.
Teksa Greqia del nga kriza e borxheve, interesat e SHBA po rriten, gjithashtu, të inkurajuara nga Shtëpia e Bardhë që e sheh Athinën si një partner strategjik gjithnjë e më të rëndësishëm.
Pragmatizmi po nxit marrëdhëniet e reja, sipas ambasadorit të SHBA-ve në Greqi Geoffrey Pyatt. “Ne kemi konvergjencë të objektivave strategjikë, të dy jemi duke “luftuar” lidhur me marrëdhëniet tona me Turqinë, disa nga sfidat e mëdha rajonale të sigurisë, qofshin ato ISIS apo migracioni ilegal dhe ndajmë interesa që lidhen me Ballkanin Perëndimor” tha Pyatt.
Pyatt sheh një rol më të madh të Greqisë në Ballkan, një rajon që ka shumë interes nga fuqitë e tjera, duke përfshirë Rusinë dhe Kinën.
“Konkurrenca gjeopolitike është kthyer në Evropën Juglindore në një mënyrë të fuqishme. Ne jemi shumë të ndjeshëm ndaj rolit që Rusia vazhdon të luajë në këtë rajon” u shpreh ai më tej.
Tetë vjet më parë, dukej sikur Greqia do të dilte nga eurozona. Por tani ka shenja ringjalljeje. Rritja e përgjithshme në vitin 2018 është për shkak të përputhjes me bashkëpunimin me Shtetet e Bashkuara dhe kompanitë amerikane, sipas Sissy Eliopoulou të Coca-Cola.
“Ne dëshirojmë të tregojmë se besojmë në të ardhmen e vendit tonë. Ne jemi të pranishëm në këtë vend për 50 vjet dhe po vazhdojmë të rritemi së bashku me vendin” tha ajo. Microsoft beson se inkurajimi i inovacionit do të jetë kyç për Greqinë.
Ndërsa ekonomia e vendit përmirësohet, të dyja kompanitë e SHBA dhe Shtëpia e Bardhë po mbështesin idenë se për Greqinë ka shpresë…
