Në një mbledhje të kishave protestante të shtunën, Kancelarja gjermane Angela Merkel bëri thirrje për një “zgjidhje politike” mbi Iranin.
“Unë them se një zgjidhje politike nuk duhet të jetë vetëm një shpresë, por duhet të punohet me seriozitet të madh”, tha Merkel për një audiencë prej rreth 10,000 njerëzish në Dortmund.
Tensionet midis Teheranit dhe Uashingtonit janë përshkallëzuar në ditët e fundit pas sulmeve kundër dy depozituesve të naftës në Gjirin e Omanit dhe rrëzimit të një avioni ushtarak të SHBA.
Merkel tha se konflikti do të trajtohej në takimin e G20 të javës së ardhshme në Japoni. Opsionet e Gjermanisë ishin “sigurisht jo të pafundme”, tha ajo. “Por ne gjithashtu mund të ndihmojmë për të bërë atë që duam, një zgjidhje politike, diplomatike, e mundur”.
Merkel paralajmëroi gjithashtu qeveritë që të mos izoloheshin nga bashkësia ndërkombëtare, duke thënë se asnjë vend nuk mund të zgjidhë vetëm sfidat globale të shekullit të 21-të.
Kancelari gjerman ka mbrojtur fort multilateralizmin duke kritikuar vendimin e Trump për t’u tërhequr në mënyrë të njëanshme nga marrëveshja e klimës së Parisit dhe marrëveshja bërthamore e Iranit.
Gjatë ngjarjes në Dortmund, Merkel u bashkua në skenë me ish-presidentin Liberian Ellen Johnson-Sirleaf për të diskutuar mbi temën “Besimi si bazë e politikës ndërkombëtare”.
VAZHDO TË LEXOSH MË TEPËR PËR TEMËN
Marrëdhëniet SHBA-Iran po përmirësohen
Konflikti SHBA-Iran/ Pasojat për amerikanët
SHBA paralajmëron Iranin: Të ndalë hedhjen e raketave
