Presidenti Trump, i pyetur nëse ai do t’i tregojë presidentit rus Vladimir Putin të mos përzihet me zgjedhjet e vitit 2020, u tha gazetarëve të mërkurën se çfarë thotë ai për Putin nuk është “asnjë nga punët e tyre”.
Trump i bëri komentet gjatë rrugës drejt Japonisë për samitin e G20, ku do të takohet me Putinin dhe udhëheqësit e tjerë të botës.
Trump vazhdon të kritikohet për trajtimin e marrëdhënieve me Rusinë. Ai do të takohet me Putinin në periferi të samitit të G20.
Ndërkohë që nisej nga shtëpia e Bardhë për udhëtimin e tij në Azi të mërkurën, Trump shprehu gjithashtu optimizëm për përparimin në një projekt-ligj humanitar të ndihmës për kufijtë.
“Ne po ecim shumë mirë me një projekt-ligj bipartizan në Senat,” u tha ai gazetarëve në Shtëpinë e Bardhë.
Presidenti u pyet gjithashtu për një foto që përshkruante vdekjen tragjike të një babai emigrant dhe vajzës së tij dyvjeçare, e cila u mbyt duke u përpjekur të kalonte këtë javë në Rio Grande. Ai tha se nëse Kongresi “rregullon ligjet”, kjo nuk do të ndodhë.
Në Japoni, Trump pritet të takohet me presidentin kinez Xi Jinping dhe Putin, midis udhëheqësve të tjerë botërorë. Udhëtimi ndërkombëtar vjen në mes të tensioneve në rritje me Iranin.
Të martën, zoti Trump kërcënoi “zhdukjen” e pjesëve të Iranit nëse sulmon ndonjë gjë që i përket SHBA-së. Trump autorizoi sanksione të reja kundër udhëheqësit suprem të Iranit dhe një sulm kibernetik mbi Iranin pasi Irani rrëzoi një dron të SHBA javën e kaluar.
VAZHDO TË LEXOSH MË TEPËR PËR TEMËN
Misteret e pesë takimeve Trump-Putin
Si ndërhyri Rusia në zgjedhjet e vitit 2016 në SHBA?
Epoka Putin, kërcënim për ekzistencën e Trump…
