Tre vite më parë, në 2016-ën, Zefina Hasani u largua nga “Top Channel” duke publikuar në Facebook edhe një status ku shpjegonte se arsyeja për largimin e saj ishte pikërisht pjesëmarrja e Ledri Vulës në netët finale të “The Voice”, që sipas saj tregonte se “Top Channel” nuk ka më rregulla.
“Ledri pa zë, veç me figurë. Në audicionet e hapura, ku prisnim e dëgjonim zërat e të gjithë aplikantëve, që synonin të bëheshin pjesë e “The Voice of Albania 5”, ndodhte shpesh që të vinin ta provonin shansin me këngët e Ledri Vulës.
Ishim kategorikë për të mos i lejuar, sepse ato këngë s’ta nxjerrin dot në pah zërin. Jam e sigurt që edhe ai vetë po të vinte në “The Voice”, ata, butonët e kuq nuk do të ishin ndezur për të. E megjithatë ja ku vjen një ditë që Ledri vjen si i ftuar special në natën gjysmëfinale të “The Voice of Albania 5”, sigurisht me këngët e tij që s’kanë nevojë hiç për zë”, shkruajti ajo.
Kështu, largimi i saj nga “The Voice” ku ishte autore bëri shumë bujë në media.
Sot, Zefina Hasani është autore e një tjetër prej programeve më të diskutuar të televizionit, “Hell’s Kitchen”.
Këtë e bëri të ditur Renato Mekolli, i cili moderon reality show-n.
Në një postim në Instagram, Renato Mekolli njoftoi fillimin e sezonit të ri duke etiketuar edhe Hasanin.
“Zefina Hasani, na pret shumë punë. Suksese në rikthimin tënd në “Top Channel” dhe me “Hell’s Kitchen”
VAZHDO TË LEXOSH MË TEPËR PËR TEMËN
Mamaja e reperit Ledri Vula zbuloi këtë të vërtetë për Dua Lipën…
Ledri fotoshop? E ëma e nxjerr zbuluar!
