SHBA thotë se dëshiron të krijojë një koalicion ndërkombëtar ushtarak për të mbrojtur ujërat rreth Iranit dhe Jemenit.
Gjenerali i Marinës, Joseph Dunford, kryetar i Shefave të Përbashkët të Shtabit amerikan, tha se donte të “siguronte lirinë e lundrimit” në rajonin që siguron rrugë tregtare shumë të rëndësishme.
SHBA ka fajësuar Iranin për sulme ndaj naftëmbajtësve në maj dhe qershor.
Gjenerali Dunford tha se SHBA po bisedonte me një numër vendesh me “vullnet politik” për të mbështetur planet.
SHBA do të siguronin anije “komanduese dhe kontrolluese”, duke udhëhequr përpjekjet e mbikëqyrjes, tha ai. Megjithatë, qëllimi do të ishte që vendet e tjera të ofrojnë anije për të ngritur patrullat afër dhe për të shoqëruar anijet tregtare që mbajnë flamuj të tyre nëpër zonë.
Muajin e kaluar, SHBA fajësoi Iranin për sulme ndaj dy cisternave në Gjirin e Omanit, akuza të mohuara nga Irani.
Ditë pas sulmeve të qershorit, një avion pa pilot amerikan u qëllua nga forcat iraniane në Gjirin Persik.
Irani tha se kishte shkelur hapësirën ajrore iraniane dhe do të dërgonte një “mesazh të qartë në Amerikë”. SHBA këmbënguli se avioni kishte qenë mbi ujërat ndërkombëtare. Presidenti Donald Trump shkroi: “Irani bëri një gabim shumë të madh!”
SHBA planifikoi sulme ajrore hakmarrëse, të cilat më vonë u anuluan.
Irani ka thënë se do të mbyllë ngushticën e Hormuzit nëse, siç shpreson Presidenti Trump, ai bëhet i paaftë për të eksportuar naftën për shkak të sanksioneve që SHBA ka imponuar që prej tërheqjes së marrëveshjes bërthamore të Iranit.
VAZHDO TË LEXOSH MË TEPËR PËR TEMËN
Konflikti SHBA-Iran/ Pasojat për amerikanët
Marrëdhëniet SHBA-Iran po përmirësohen
SHBA paralajmëron Iranin: Të ndalë hedhjen e raketave
