Paul Pogba prej më shumë se dy sezonesh ka qenë ëndrra e madhe e trajnerit Zinedine Zidane por me sa duket francezi është i destinuar të mbetet një ëndërr pasi Solskjaer është i prerë kur pyetet mbi të ardhmen e “gjelit”:
“Në çdo konferencë më bëni gjithnjë të njëjtën pyetje mbi të. Për mua Pogba qëndron me ne, nuk kam asnjë dyshim. Nuk jam aspak i shqetësuar. Nuk ka asnjë konferencë që un të mos kem thënë të njëjtën gjë, në pjesën më të madhe edhe Pogba ka thënë të njëjtën gjë, është i lumtur këtu”, u shpreh trajneri i Man.United.
Në këto kushte Real Madrid ka kaluar në planin B, të transferoj në Madrid, Christian Eriksen. Sipas “ESPN”, në kokën e Eriksen ekziston vetëm një ide, të largohet nga Tottenham. Pas 7-të vitesh në Londër, mesfushori danez kërkon të ndryshoj skuadër, këtë e ka shprehur publikisht, madje duke mos rinovuar as kontratën e cila i skadon më 2020.
Në garë për të siguruar shërbimet e tij janë tre ekipe, Real Madrid, Barcelona dhe Juventus ku sigurisht madrilenët janë favorit. Ndryshe nga “ESPN”, e përditshmja britanike “The Sun” ka një tjetër version: “Eriksen pritet të qëndroj dhe një vit nën urdhrat e Pochettinos për tu larguar më pas me parametra zero”.
VAZHDO TË LEXOSH MË TEPËR PËR TEMËN
“Skuqet” Ronaldo, Juventus fiton me 10 vetë
Champions, sa shumë pretendentë këtë sezon!
Champions, sot spikat M.United-Juventus
