Shoqata e Siguruesve të Shqipërisë siguroi se çdo klient i dëmtuar gjatë tërmetit të 26 nëntorit do të kompensohet sipas kontratës dhe në kohën më të shkurtër.
SHSSH tha se kompanitë e sigurimeve janë angazhuar me grupet e tyre në terren për të konsultuar klientët e tyre për mundësitë qe kanë për rikuperimin financiar të dëmeve të shkaktuara nga tërmeti.
Grupet e punës do të inspektojnë çdo dëmtim për të kompletuar dosjen e dëmshpërblimit për të gjithë klientët.
Gjithashtu SHSSH njofton se qindra qytetarë që kanë kryer sigurimin e banesave apo të bizneseve nga tërmeti janë paraqitur pranë kompanive të sigurimit për dëmshpërblime.
“Për të lehtësuar personat e dëmtuar, shoqëritë e sigurimeve sqarojnë për publikun çdo konsumator që kanë shkruar një kontratë sigurimi për banesën nga zjarri, tërmeti dhe përmbytja, në rast dëmi përfiton dëmshpërblim në varësi të dëmit të ndodhur pasi ka paraqitur kërkesën për dëmshpërblim. Siguruesi do të dëmshpërblejë të Siguruarin për dëmin e shkaktuar.
Detyrimi i Siguruesit për dëmshpërblim kufizohet deri në masën e shumës së siguruar”– informoi Shoqata e Siguruesve të Shqipërisë.
VAZHDO TË LEXOSH MË TEPËR PËR TEMËN
Buxheti dhe paketa fiskale për 2020 miratohet në parim
Shoqata e Ndërtuesve: Ngarkesën do e mbajë i zoti i shtëpisë
