Ndryshimet klimatike dhe ndotja e ushqimeve po e largojnë oksigjenin nga oqeanet, duke i vënë në rrezik shumë lloje të peshqve. Ky është vlerësimi i hulumtimit më të madh të këtij lloji, i kryer nga grupi IUCN.
Përderisa ndotja e ushqimit ka qenë arsye e njohur për dëmtimin e rezervave të oksigjenit në oqeane, hulumtuesit thonë se ndryshimet klimatike po e bëjnë mungesën e oksigjenit edhe më të rëndë.
Rreth 700 rajone oqeanike tashmë po përballen me përqendrim të ulët të oksigjenit, krahasuar me 45 rajone të tilla në vitet e gjashtëdhjeta.
Rrezikimi i oqeaneve nga rrjedhja e elementeve kimike si azoti e fosfori nga fermat dhe industria ka qenë i njohur për një kohë të gjatë sa i përket ndikimit në nivelin e oksigjenit në oqeane dhe ende mbetet faktori kryesor.
Pas lirimit të sasive më të mëdha të dyoksidit të karbonit, një pjesë e madhe e nxehtësisë thithet nga oqeanet. Si pasojë, uji më i ngrohtë mund të mbajë më pak oksigjen. Shkencëtarët vlerësojnë se nga viti 1960 deri në vitin 2010, niveli i oksigjenit në oqeane ka rënë për dy për qind.
Kjo mund të duket si një shifër e vogël si nivel mesatar botëror, por në disa rajone ujore përqendrimi i oksigjenit ka rënë deri në 40 për qind, shkruan “BBC”
VAZHDO TË LEXOSH MË TEPËR PËR TEMËN
Energjia e rinovueshme, gjithnjë e më e lirë
Google kërkon të investojë 3 miliardë euro!
