Anëtarja e Kryesisë së Lëvizjes Vetëvendosje, Albulena Haxhiu konfirmon se brenda kësaj jave do të takohen lideri i VV, Albin Kurti dhe ai i LDK, Isa Mustafa me qëllim finalizimin e marrëveshjes për krijimin e Qeverisë së re të Kosovës.
Por nëse LDK vazhdon të insistojë për presidentin atëherë alternativa e vetme sipas Haxhiut është që vendi të shkojë në zgjedhje.
Madje Haxhiu këtë kërkesë të LDK-së e ka quajtur të pakuptimtë.Sipas saj nuk ka pasur veprime të ngutura për krijim të koalicionit qeverisës pasi presidenti i Kosovës, Hashim Thaçi ende nuk e ka thirrur seancën për konstituimin e Kuvendit të Kosovës.
Haxhiu në një intervistë për për mediat kosovare është shprehur optimiste për koalicionin mes Lëvizjes Vetëvendosje dhe LDK-së , pasi sipas saj çështja e presidentit është ajo që i ka dalluar këto dy subjekte pasi që në të gjitha pikat tjera ata janë dakorduar.
Lidhur me atë se koalicionin ndërmjet VV-së dhe LDK-së po e lë pezull edhe ndarja e disa ministrive, Haxhiu tha se ajo nuk qëndron pasi sipas saj të gjithë ministrat pavarësisht cilit subjekt do i takojnë ata do jenë llogaridhënës tek kryeministri në ardhje, Albin Kurti.
Komisioni Qendror i Zgjedhjeve certifikimin e rezultatit të zgjedhjeve të 6 tetorit e ka bërë më 27 nëntor.
VAZHDO TË LEXOSH MË TEPËR PËR TEMËN
Pas ngërçit/ “VV duhet të vendosë takimin e rradhës”
Albin Kurti takohet me Isa Mustafën dhe ka një mesazh
