25.12.2019 - 21:08
Një e moshuar me probleme të shëndetit mendor, që ishte larguar nga banesa është gjetur shëndoshë e mirë falë kërkimeve me dron nga ana e policisë.
Mesditën e djeshme e moshuara V.F. 74-vjeçe, banuese në Tepelenë u largua nga banesa e vajzës së saj në fshatin Hundkuq, Gjirokastër.
Të afërmit e 74-vjeçares sapo kanë konstatuar mungesën e saj në banesë, kanë kërkuar ndihmën e policisë për ta gjetur. Shërbimet e Komisariatit të Policisë Gjirokastër, pas njoftimit nisën kërkimet në terren duke përdorur dronin e policisë.
Ditën e sotme, nëpërmjet dronit u bë lokalizimi dhe gjetja e së moshuarës në pyllin e fshatit Hundkuq.
Familjarët kanë falënderuar efektivët e policisë për angazhimin dhe gjetjen e nënës së tyre shëndoshë e mirë.
VAZHDO TË LEXOSH MË TEPËR PËR TEMËN
S'ka vend për neglizhim!
