Futbollisti shqiptar më i lakuar në këtë merkato dimërore është Marash Kumbulla. Mbrojtësi i Kombëtares shkëlqeu në pjesën e parë të sezonit me fanellën e Veronës.
Pavarësisht moshës 19-vjeçare apo se është në sezonin debutues në elitën e futbollit italian, sërish ia ka dalë të impresionojë me personalitetin e tij në qendër të mbrojtjes.
Në këtë formë, interesimi për Kumbullën është i madh nga klubet e Serisë A, të cilat e shohin si një element thelbësor për të tashmen dhe të ardhmen e tyre. Inter duket se është në linjë të parë për shërbimet e shqiptarit, ndërsa aty pas zikaltërve është edhe Fiorentina.
Megjithatë, ai që nuk dorëzohet në këtë garë është drejtori i Lazios, Igli Tare, që nuk ka ndërmend të heqë dorë nga mbrojtësi shqiptar.
Sipas mediave italiane, Tare është duke punuar për të gjetur akordin personal me lojtarin e më pas me klubin e Verona-s. Mbetet për t’u parë tashmë nëse drejtori i Lazios do ia dalë të triumfojë për shërbimet e Kumbullës.
VAZHDO TË LEXOSH MË TEPËR PËR TEMËN
Inter sfidon Napolin, “prenoton” Kumbullën
Fatmir Vata “sponsorizon” Kumbullën te Dortmund
E sugjeroi Vata, Dortmund në “sulm” për Kumbullën
