Tri fitore rresht mes Champions League dhe kampionatit dhe Inter nis të funksionojë, edhe pse nuk fiton bindshëm. Zikaltrit mposhtën 2-1 Fiorentinën dhe tashmë e shohin veten në shkallët e sipërme të Serie A.
Në minutën e fundit të pjesës së parë, Mauro Icardi shënoi golin e parë në këtë edicion të Serie A, teksa theu në gol një 11-metërsh. Ky ishte goli numër 11-të për të kundër Fiorentina, “viktima” e preferuar e argjentinasit.
Icardi ⚽️ gets his first goal of the Serie A season. VAR & Inter go from worst enemies to best friends as the Video Assistant Referee awards the Nerazzurri a penalty kick. #InterFiorentina 1-0 . #SerieA pic.twitter.com/6kjMpkBkiT
— Stereo Serie A (@StereoSerieA) September 25, 2018
Gjithsesi, kur nisi pjesa e dytë Fiorentina arriti të barazojë me anë të Federico Chiesa. Por 13 minuta para fundit, pas një kombinimi të bukur, Icardi shërbeu me finte për D’Ambrosio, i cili shënoi golin e fitores për vendasit që ngjiten në kuotën e dhjetë pikëve, pesë më pak se Juventus, që ka luajtur një ndeshje më pak. Dhjetë pikë ka edhe Fiorentina.
