Një nga vizionet e autorit të romaneve fantastiko-shkencorë, Zhul Vern, u bë realitet pikërisht më 21 janar 1954. Ishte koha kur flota ushtarako-detare e Shteteve të Bashkuara lëshoi nëndetësen e parë në botë, që punonte me energji bërthamore.
Nëndetëses iu dha emri “Nautilus”. Ky ishte emri që Zhul Verni i kishte vënë anijes së tij, që lundronte nën ujë, në romanin e shekullit të 19-të, të titulluar “20 mijë lega nën det”.
Më vonë, nëndetësja “Nautilus” theu të gjitha rekordet e rezistencës, largësisë dhe shpejtësisë së lundrimit, gjatë viteve që ishte në shërbim.
Katër vite pas përurimit të saj, duke përdorur hidrolokator dhe instrumente të tjera elektronike, “Nautilusi” lundroi nën shtresën e akullit polar, duke u bërë i pari mjet lundrues që arrinte Polin e Veriut, nën ujë.
VAZHDO TË LEXOSH MË TEPËR PËR TEMËN
Globalizimi sipas Zhyl Vernit
Zhyl Vern, filozofi i udhëtimit
Batiskafi “Rinia”, një ëndërr e bërë realitet
