Kryeprokurorja Arta Marku, gjatë një vizite zyrtare në Bullgari, u takua me homologun e saj, Kryeprokurorin e Përgjithshëm të Bullgarisë Sotir Tsatsarov, ku dhe ka firmosur Memorandumin e Bashkëpunimit mes dy vendeve. Gjatë takimit Kryeprokurorja Marku theksoi nxitjen e bashkëpunimit të efektshëm mes të dyja vendeve në luftën kundër krimit të organizuar.
Sipas njoftimit nga Zyra për Shtyp e Prokurorisë, ‘Palët bien dakord, brenda juridiksioneve të tyre, të bashkëpunojnë duke shkëmbyer informacion dhe zhvilluar konsultime për përgatitjen dhe zbatimin e kërkesave për ndihmë juridike dhe veprime të tjera, për aq sa ato janë të zbatueshme brenda fushës së bashkëpunimit juridik ndërkombëtar në çështjet penale. Memorandumi mundëson shkëmbimin e informacionit që lejon ose kontribuon në hetimin ose parandalimin e veprimtarive kriminale, sipas nevojave specifike’.
Gjatë vizitës Kryeprokurorja Marku u takua edhe me ministren e Drejtësisë të Bullgarisë, Tsetska Tsacheva, përfaqësuesin e Këshillit Suprem Gjyqësor Boyan Magdalinchev dhe anëtarë të Kolegjit të Këshillit Suprem Gjyqësor, si dhe me Kryetarin e Gjykatës Kushtetuese Boris Velchev.
VAZHDO TË LEXOSH MË TEPËR PËR TEMËN
