Pas dy humbjeve radhazi, Los Angeles Lakers rikthehet me fitore në NBA. Ndaj Sacramento Kings, ekipi kryesues në Perëndim triumfoi në transfertë 113-129.
Lakers e nisën vrullshëm sfidën dhe arritën të shkëputen me 22 pikë që në fraksionin e parë, ndërsa në pjesën e mbetur të lojës patën detyrë vetëm të menaxhojnë avantazhin e konsiderueshëm që krijuan.
Sfida mes dy skuadrave në krizë rezultatesh këtë sezon në NBA, Cleveland Cavaliers dhe Golden State Warriors, përfundoi me fitoren bindëse të këtyre të fundit, me shifrat 112-131.
Fraksioni i parë ishte i balancuar ndërsa dy pjesët e tjera folën qartazi në favor të Warriors. Veçanërisht special për miqtë ishte fraksioni i tretë të cilin e fituan me shifrat e thella 19-44.
Portland Trail Blazers vijon ngjitjen në renditje, teksa sot mori fitoren e katërt radhazi me shifrat 114-104 përballë Utah Jazz, në një sfidë ku protagonist i vërtetë ishte Damian Lillard me plot 51 pikë të shënuara.
VAZHDO TË LEXOSH MË TEPËR PËR TEMËN
LeBron James, tatuazh dedikuar Kobe Bryant
