Që pas tragjedisë së Kobe Bryant të dielën e kaluar, Los Angeles Lakers zbritën për herë të parë në parket. Kujtime, nderime dhe lot në sallë para dhe gjatë ndeshjes.
Para ndeshjes me Portland Trail Blazers, në ‘Staples Center’ i gjithë organizimi i ishte dedikuar Kobe Bryant, njeriut që me fanellën e Lakers fitoi pesë tituj të NBA.
Fillimisht, fanellat e tij me numër 8 dhe 24, ishin vendosur në karriget e sallës, për të vazhduar me pjesën tjeter. Derisa këndohej në dedikim të Kobe, tifozë dhe lojtarë në sallë, u tradhtuan nga emocionet, duke mos mundur t’u përmbahen lotëve.
Emocional ishte edhe reagimi i LeBron James, yllit të Lakers, që kishte raporte të veçanta me Kobe Bryant. Kobe Bryant gjithë karrierën e kaloi te Lakers, duke fituar shumë tituj si me klubin ashtu edhe individual.
Sa i përket ndeshjes, Lakers humbën, por kësaj here pakkush e kishte mendjen te ndeshja, pasi lojtarët ishin të përfshirë nga ngjarja e rëndë e ish-yllit të tyre.
VAZHDO TË LEXOSH MË TEPËR PËR TEMËN
NBA nderon legjendën Kobe Bryant
Dy ide për të përjetësuar Kobe Bryant
“I dashur basketboll”, letra prekëse e Kobe Bryant
