07.02.2020 - 16:02
Receta për: 4 perona
Para tyre dorëzohemi të gjithë! Kroketat e patateve nuk kanë shumë kosto dhe janë fantastike për t’u shijuar me një gotë verë.
INGREDIENTËT
- 5 kokrra patate
- 1 lugë gjelle gjalpë
- 1 vezë
- 1 gotë me djathë kaçkavall
- Kripë, piper të zi
- Për lyerjen:
- 2 vezë
- ½ gotë me galetë
- 1 gotë miell
UDHËZIMET
- Në një tenxhere me ujë e kripë, zieni patatet.
- Më pas i qeroni dhe i shtypni në një tas me një pirun. Shtoni gjalpin.
- Shtoni vezët e rrahura, pak kripë, piper dhe djathin kaçkavall.
- E përzieni mirë masën dhe formoni disa masa të vogla kroketash. Mund t’i bëni rrumbullake ose përsëgjati, sipas dëshirës.
- I lyeni me miell, më pas me vezë dhe më pas me galetë.
- I vendosni për t’i skuqur para e mbrapa në një tigan me vaj luledielli.
Ju bëftë mirë!
