Presidenti i vendit, Hashim Thaçi ka marrë ftesë nga Kuvendi për të marrë pjesë në seancën e organizuar për nder të 12 vjetorit të pavarësisë, kanë konfirmuar burime për Gazetën Express. Megjithatë, ulësja e rezervuar për të parin e shtetit ka mbetur e zbrazët pasi që Thaçi nuk mori pjesë. Siç merr vet Gazeta Express, kreu i shtetit do të kthehet pasdite nga Brukseli.
Disa aktivitete janë paraparë që të mbahen për 12 vjetorin e pavarësisë së Kosovës, të organizuar nga një grup i krijuar në qeveri të Kosovës, në krye me zëvendëskryeministrin Haki Abazi.
Ndër to, është organizuar edhe seanca solemne e Kuvendit të Kosovës, që zakonisht mbahet në përvjetorë të pavarësisë. Mirëpo, këtë vit, aty nuk ka marrë pjesë presidenti i shtetit të Kosovës, Hashim Thaçi.
Sipas Express, Thaçi e ka lënë të kthehet sot pasdite nga Brukseli, mirëpo, burimet kanë konfirmuar se ai ka marrë ftesë për të qenë i pranishëm. Ndaras nga dy liderët tjerë të shtetit, Thaçi do t’u drejtohet edhe pjesëtarëve të FSK-së në ora 16:00. Dy orë më vonë ndërkaq ai ka organizuar pritje shtetërore në katedralen “Nën Tereza”.
VAZHDO TË LEXOSH MË TEPËR PËR TEMËN
“Pavarësia” nuk arriti t’i bëjë bashkë
“Gëzuar ditëlindjen e 12-të Kosovë”
14 vjet pas vdekjes/ Kurti homazh te varri i Rugovës
