Dezinfektimi i smartfonëve dhe pajisjeve të tjera është pjesë e standardeve mjekësore parandaluese për pacientët që kanë infeksion të këtij mikrobi shumë rezistent, por specialistë të sëmundjeve infektive sqarojnë se duhet patur kujdes që të mos e lidhim përdorimin e telefonit celular me përhapjen e koronavirusit.
Një virus ka nevojë për qeliza të gjalla për t’u përhapur. Ky është mendimi i Massimo Andreoni-t, profesor i sëmundjeve infektive në Universitetin “Tor Vergata” të Romës.
“Smartfoni mund të jetë një mjet për transmetimin e mikrobeve rezistente, ndryshe është një virus që ka nevojë për qeliza të gjalla për t’u riprodhuar. Duhet të jemi të kujdesshëm kur e lidhim atë me problemin e koronavirusit, përkundrazi ka kuptim në infeksionet e lidhura me kujdesin shëndetësor. Ashtu sikurse mjekët janë mësuar të dezinfektojnë stetoskopin dhe pajisjet e matjes së tensionit, sigurisht nëse trajtojnë pacientë me mikrobe shumë rezistente, ekzistojnë disa masa paraprake specifike që duhet të merren, siç janë veshja e dorezave, larja e duarve dhe mospërdorimi i telefonit nëse i keni duart të padezinfektuara, në mënyrë që aparati të mos ndotet”, sqaron prof. Andreoni, i cili është edhe drejtor shkencor i Shoqatës Italiane të Sëmundjeve Infektive dhe Parazitare.
VAZHDO TË LEXOSH MË TEPËR PËR TEMËN
“Koronavirus në Shqipëri”, Prokuroria nis hetimet për lajmet e rreme
“Koronavirus do të ndihmojë ekonominë e SHBA”
“Dy javët e ardhshme do të jenë kritike për Kinën”
