17.03.2020 - 16:30
Perimet janë zgjedhje e mençur kurdoherë që ju shkon mendja për të gatuar. Prandaj sot përgatisni një tavë me perime për veten dhe familjen tuaj pasi do të ngeleni shumë të kënaqur.
Përgatitja e kësaj recete është shumë e thjeshtë, nuk ju lodh dhe ju merr fare pak minuta kohë.
Dhe nëse enët e kuzhinës janë ato të duhura, gatimi do të jetë absolutisht një kënaqësi më vete, për të gjitha amvisat.
Tavë me perime të mbushura:
Përbërësit:
- 2 speca të kuq
- 2 domate
- 2 kungulleshka
- 2-3 lugë gjelle vaj ulliri
- Kripë, piper
- Bukë të thekur në kubik të vegjël
Udhëzime mbi përgatitjen:
- Lani mirë perimet. Domatet, kunguj dhe specat i prisni dhe u hiqni me ndihmën e një luge, tulin e brendshëm.
- Parangrohni furrën në 200 gradë Celsius.
- Merrni tavën për gatim. Kështu pjekja do të realizohet për mrekulli. Asgjë nuk do të ngjisë dhe pastrimi i tavës do të jetë shumë i lehtë.
- Pasi keni vendosur perimet tek tava, i mbushni me tulin e tyre dhe me bukën e thekur. Shtoni sipër vaj ulliri, kripë, piper.
- I fusni në furrë të piqen për 20 minuta. Ju bëftë mirë!
