I prekur nga situata që po kalon Italia në veçanti (mbi 10 mijë viktima nga Covid-19), Igli Tare, drejtori sportiv i Lazios, ka lëshuar një apel për të gjithë, duke sakrifikuar ai i pari për t’i ardhur në ndihmë klubit, po pse jo, edhe mjekësisë. Më konkretisht ai ka folur për pagat e sportistëve…
“Duhet ende ta mendojmë. Futbollistët tanë janë në kontakt mes tyre, por nuk kemi biseduar ende. Por, e mendoj dhe se shumë shpejt edhe ne drejtuesit dhe do të shkurtojmë rrogat ose do t’i presim fare. Duket sikur jetojmë një film horror.
Në fillim gjithçka u mor pak lehtë. Tani nuk flasim për vetëm një situatë, por një luftë. Nëse sheh kamiona ushtarakë me arkivole e kufoma brenda tyre, atëherë mbetesh i shokuar, pa fjalë. Nuk mendoj për pagën në këto kushte. Dhe numri i të vdekurve çdo ditë është i tmerrshëm! Kjo është një katastrofë dhe shkatërrim për gjithë vendin”, pohoi Igli Tare.
VAZHDO TË LEXOSH MË TEPËR PËR TEMËN
Familja Astori, fonde dhe fushatë kundër Covid-19
Kimmich dhe Goretzka grumbullojnë 3.6 mln euro
Berlusconi, 10 mln euro për luftën ndaj Covid-19
