Mbrojtësi shqiptar Marash Kumbulla ka dhuruar paraqitje fantastike me fanellën e Veronës dhe të shumtë janë ata që habiten nga fakti se kjo është eksperienca e tij e parë në elitën e futbollit Italian. Siguria dhe saktësia në fushën e lojës u ka bërë përshtypje të gjithë sportdashësve dhe opinionit sportiv.
Së fundi është edhe ish-mbrojtësi gjerman, Thomas Berthold, ai i cili ngre lart figurën e Kumbullës. Ish-futbollisit i Veronës dhe Bayern Munchen, por edhe i kombëtares gjermane, ka folur për faqen zyrtare të Veronës, ndërsa është ndalur edhe te futbollisti shqiptar, për të cilin shprehet se duket sikur ka 10 vite në Serie A mbi supet e tij.
“Hellas Verona po bën një kampionat të madh. Është ngjitur së fundmi në Serie A dhe po ecën fuqishëm. Luan si një ekip, lojtarët janë shumë të disiplinuar taktikisht dhe mbrojnë mirë.
Është ndërtuar në perfeksion. Verona ka elemente për merkato dhe disa madje i ka shitur. Më pëlqen shumë Kumbulla. Çfarë më habit? Është një djalë i ri, i cili luan sikur të kishte 10 vite Serie A mbi shpatullat e tij”, – u shpreh Berthold.
VAZHDO TË LEXOSH MË TEPËR PËR TEMËN
“Më i mirë mbrojtësi shqiptar sesa De Ligt”
“Shqipëria e nuhati, i mori talentin Italisë”
“Krenar për gjestin, Italia na ka mbështetur”
