Në ditën që të gjithë prisnin largimin e tij nga Tirana, braziliani Ze Maria u konfirmua si trajner i bardhebluve nga presidenti Refik Halili. Pas një takimi që zgjati rreth 3 orë pasditen e së hënës, numri 1 i bardhebluve i konfirmoi besimin ish mbrojtësit të Interit i cili do të jetë në krye të Tiranës edhe në ndeshjet në vazhdim.
Në stërvitjen e së hënës kur të gjithë futbollistët prisnin që të mësonin emrin e trajnerit të ri, në kompleksin e stadiumit Skënder Halili është shfaqur sërish ai, Ze Maria i cili pasi ka zhvilluar një mbledhje që ka zgjatur rreth 2 orë e gjysmë me skuadrën, ka dalë në stërvitje si për të lënë të kuptohet se Tirana asgjë nuk ka ndryshuar edhe pas humbjes në derbi ndaj Partizanit.
Lojtarët kanë marrë besimin e trajnerit dhe do të kërkojnë të bëjnë kthesën që në ndeshjen e kësaj mesjave ndaj Kastriotit në Fushë-Krujë. Çështje besimi apo parash kjo mbetet për t’u parë megjithatë aventura e Ze Marias te 24-herë kampionët do të vazhdojë pasi nuk do të ketë asnjë ndarje mes palëve siç u tha në media pas derbit.
