Prodhuesit e verës në Itali dëshirojnë të shndërrojnë stokun e tyre të pa shitur në xhel dezinfektues për duart, i cili është në kërkesë të lartë mes pandemisë koronavirus. Ata kanë verë të tepërt në rezervuarët e tyre, pasi bllokimi i gjatë i vendit la restorante, bare dhe lokale të mbyllura për mbi 2 muaj.
Tani, me afrimin e sezonit të ri të korrjes, ata janë të prirur të çlirojnë hapësirë dhe të ndihmojnë në lehtësimin e mungesës së këtij produkti dezinfektues. “Unë kam qenë një verë bërës këtu në Skandiano, Reggio-Emilia, për 30 vjet,” tha Davide Frascari, presidenti i Konsorciumit të Verës Lambrusco. “Por unë kurrë nuk kam parë magazinat tona të plota në fund të majit. Rrushi është tashmë i dukshëm dhe ne duhet të ndërmarrim veprime.”
Sindikata e Bujqësisë Confagricoltura i ka kërkuar qeverisë italiane autorizimin për ta kthyer verën në dezinfektues. Ai dëshiron një përgjigje të shpejtë nga Roma dhe, përveç kësaj, mbështetje financiare për operacionin. Distileritë janë gati për të ndihmuar.
“Kjo masë do të jetë pozitive sepse do të bëjë më të lehtë për prodhuesit e verës që të shesin stokun e tyre dhe do të na ndihmojë, ne distiluesit, të kemi një lëndë të parë të mjaftueshme për prodhimin e xhelit për duart”, tha Antonio Emaldi, menaxher i distilimit në Ravenna , në Italinë qendrore dhe presidenti i bashkimit kombëtar të distiluesve (ASSODIL).
Por jo të gjithë prodhuesit e verës duket se janë të gatshëm të përdorin verën e tyre për qëllime të tilla. Giuseppe Prestia, i cili drejton një fermë pesëqind vjeçare pranë Reggio Emilia, në Italinë qendrore, thotë se një operacion i tillë do të ishte “i paimagjinueshëm”.
“Kantinat organike si ne punojnë në produkte të nivelit të lartë që nuk mund të përdoren për të bërë dezinfektues duarsh,” tha ai. “Ajo që ne kërkojmë nga BE dhe qeveria italiane është që të investojnë në biznesin tonë për të na lejuar të mbijetojmë nga kjo krizë.”(Euronews)
VAZHDO TË LEXOSH MË TEPËR PËR TEMËN
“Recesioni global është i pashmangshëm”
BBC/ Punëtorë nga Ballkani për të korrat e Europës
