05.06.2020 - 07:03
INGREDIENTËT
- 3-4 biftek viçi (varësisht numrit të personave)
- ½ filxhan me gjalpë me kripë
- 2 lugë gjelle hudhër e grimcuar
- 2 filxhan me panna kuzhine
- 1 lugë e gjysmë çaji me kripë
- 1 lugë çaji me piper të zi pluhur
- 1 pako kërpudha të prera në copa të vogla
- Degë rozmarine
- Kripë, piper të zi për të marinuar mishin
UDHËZIMET
- Filloni duke marinuar mishin me kripë e piper të zi, para dhe mbrapa.
- Ngrohni tiganin dhe skuqni gjalpin. Shtoni vajin e ullirit dhe hudhrat.
- Vendosni për të skuqur bifetekun, por jo plotësisht. Më pas i hiqni, i mbuloni me letër alumini dhe i lini mënjanë.
- Në po të njëjtin tigan, pas 30 sekondash shtoni edhe kërpudhat.
- Sapo këpudhat të zbuten shtoni panën e kuzhinës, pak kripë, piper dhe e lini në zjarr derisa salca të trashet disi.
- Tani shtoni copat e biftekut dhe i zhysni në salcë në mënyrë që të gatuhen mirë.
- Pas gati 10-12 minutash ato do të jenë gati.
- I shërbeni të ngrohta me një degë rozmarinë sipër. Ju bëftë mirë!
