Koreja e Veriut nuk sheh ndonjë përfitim të ardhshëm në mbajtjen e një marrëdhënie të mire midis liderit të saj, Kim Jong-Un dhe Donald Trump, ka thënë media shtetërore e vendit në përvjetorin dy vjeçar të samitit të parë të tyre.
Politikat amerikane dëshmojnë se Uashingtoni mbetet një kërcënim afatgjatë për shtetin e Koresë së Veriut dhe njerëzit e tij, tha ministri i jashtëm Ri Son Gwon në një deklaratë.
Samiti i Singaporit në qershor 2018 ishte herën e parë që një president amerikan u takua me një udhëheqës të Koresë së Veriut.
Ri tha në retrospektivë se administrata Trump duket se ka qenë e hapur për bisedime por kërkon të izolojë Korenë e Veriut, dhe e kërcënon atë me sulme bërthamore dhe ndryshimin e regjimit.
“Asgjë nuk është më hipokrite sesa një premtim bosh”, tha ai.
Të enjten Koreja e Veriut kritikoi SHBA-në për komentimin e çështjeve ndër-Koreane dhe tha se Uashingtoni duhet të qëndrojë i qetë nëse dëshiron që zgjedhjet e ardhshme presidenciale të shkojnë pa probleme.
Ri tha se dëshira e Koresë së Veriut për të hapur një epokë të re bashkëpunimi vazhdon, por që situata në gadishullin Korean po merr çdo ditë një kthesë për keq.
“SHBA-ja pretendon se kërkon marrëdhënie të përmirësuara me KPRK-në, por në të vërtetë, është e prirur për të përkeqësuar situatën,” tha ai.
Koreja e Veriut do të vazhdojë të përgatisë forcat e saj ushtarake për të përballuar kërcënimet nga SHBA, tha Ri.
Përkthyer dhe përshtatur nga The Guardian/ konica.al
VAZHDO TË LEXOSH MË TEPËR PËR TEMËN
‘Dua t’më japin vëmendje ashtu si bëjnë koreanët për liderin e vet’
‘S’ka më armë bërthamore, ia kemi premtuar Trump’
Donald Trump dështoi përsëri…
