Nuk ka pengesa në Premier League për Arsenal, teksa në javën e tetë ka fituar 1-5 në transfertë me Fulham, duke marrë vendin e tretë në renditje. E vështirë vetëm pjesa e parë për “Topçinjtë”, ndërsa në të dytën ekipi Emery zgjidh gjithçka.
Në fillim, ndeshja nuk dukej që do të ishte aq e thjeshtë për Topçinjtë. Ata nuk e nisën mirë lojën, por goli i Alexander Lacazette në minutën e 29’ ka ndryshuar rrjedhën e lojës.
Arsenal përmirësohet pas golit, por një gabim i Monreal në mbrojtje ka bërë që Schurrle të barazojë rezultatin një minutë përpara fundit të pjesës së parë. Por pas pushimit ndeshja nuk kishte histori.
Lacazette shënon golin e dytë në minutën e 49’ dhe që prej atij momenti kishte vetëm një ekip në fushë. Pas zëvendësimit të Aubameyang, miqtë u bënë akoma më të frikshëm në sulm dhe ishte ai që përgatiti golin e Ramsey në minutën e 67, përpara se të shënonte vetë në minutën e 79’.
Auba shënon edhe një tjetër gol duke shpartalluar Fulham brenda në shtëpi. Arsenal bind përsëri dhe është në rrugë të mbarë, me këtë ritëm mund të konkurrojë për titullin kampion.
VAZHDO TË LEXOSH MË TEPËR PËR TEMËN
