Histori të njohura. Histori të përsëritura. Gjurmë që fshihen. Janë me mijëra, objektet arkeologjike që janë grabitur në trojet shqiptare, në harkun kohor të mijëvjeçarit të fundit./Konica.al
Një prej objekteve të rrëmbyera në Durrës, në vitin 1916, e konfirmon juristi dhe konstitucionalisti Agron Alibali, i cili jeton në SHBA.
Përmes një postimi në ‘Facebook’, Alibali shkruan se “statuja e vjedhur është një grua, në gjendje shumë të mirë”.
Ai ka postuar po ashtu, një fragment të saj, që është publikuar në revistën ILLYRIA, të 1 qershorit të vitit 1916.
Në revistën e kohës, shkruhej se statuja është gjetur në vitin 1915, në Durrës, por më pas u gjet në një prej muzeve në Greqi… Për statujën e rëndësishme, kishte dijeni dhe Essad Pasha.
Alibali shpjegon, se prejardhja e statujës do të jetë e shënuar në muzeun ku është ekspozuar. Nëse identifikohet, atëherë mund dhe duhet të fillojë, riatdhesimi i objektit.
VAZHDO TË LEXOSH MË TEPËR PËR TEMËN
“The Times”: E vërteta u takon arkeologëve vendas
