Ministri i Jashtëm rus Sergej Lavrov thotë se tubacioni i gazit Nord Stream 2 do të përfundojë në të ardhmen e afërt, pavarësisht presionit të SHBA mbi ata që janë përfshirë në projektin masiv të energjisë.
Diplomati i lartë rus u takua të martën me Ministrin e Jashtëm gjerman Heiko Maas. Duke folur në një konferencë të përbashkët shtypi pas bisedimeve, Lavrov tha se të gjithë pjesëmarrësit e projektit Nord Stream 2, përfshirë Rusinë dhe Gjermaninë, janë të vendosur për ta përfunduar atë.
“Për mendimin tim, ka arsye të besoj se kjo do të bëhet në të ardhmen e afërt,” u tha ai gazetarëve, duke shtuar se vetë shtetet evropiane duhet të përcaktojnë politikën e tyre të energjisë.
Deklarata vjen pasi Uashingtoni po rrit presionin mbi projektin, duke përfshirë zgjerimin e sanksioneve për të synuar investitorët e tij dhe kompanitë e sigurimeve, ndër të tjera. Në fillim të këtij muaji, një grup senatorësh amerikanë kërcënuan “të imponojnë sanksione ligjore dhe ekonomike” në Portin Mukran të Gjermanisë, në Detin Balltik, ku anijet që ndihmojnë në ndërtimin e shtrirjes përfundimtare të tubacionit janë vendosur.
Berlini ka përsëritur vazhdimisht politikat agresive të SHBA, duke thënë se kundërshton sanksionet jashtëtokësore të Uashingtonit. Sipas Lavrovit, SHBA nuk sheh kufij kur përpiqet të arrijë qëllimet e saj politike ose ekonomike.
“Ne e shohim qartë se si Uashingtoni vepron në arenën ndërkombëtare, pa u larguar nga asnjë metodë, e cila dëshmohet nga situata rreth Nord Stream 2,” tha ministri i jashtëm rus.
Të martën, një nga mbështetësit financiar të projektit, ndërmarrja gjermane e shërbimit Uniper, tha se, ndërsa shpreson që ndërtimi i tubacionit të shkojë ashtu siç ishte planifikuar, ai duhet të marrë parasysh skenarin e rastit më të keq, në të cilin projekti mund të shembet ndaj sanksioneve amerikane.
“Presioni është intensifikuar më tej,” tha Shefi Ekzekutiv i firmës Andreas Schierenbeck. “Rasti më i keq do të ishte, natyrisht, nëse [Nord Stream 2] kurrë nuk do të përfundonte dhe, sigurisht, pyetja është, a mund t’i marrim paratë tona përsëri apo jo?!”
Nord Stream 2 synon të furnizojë Evropën me deri në 55 miliardë metra kub (bcm) gaz natyror në vit, në krye të 55 bcm që furnizohet çdo vit përmes Nord Stream 1. Pasi projekti ngeci në fazat përfundimtare për shkak të sanksioneve amerikane në në fund të vitit 2019, Rusia duhej të punonte për të përfunduar rrugën e vetme. Ai planifikon të përfundojë tubacionin deri në fund të vitit ose në fillim të vitit 2021.
/Përkthyer dhe përshtatur për Konica.al nga RT
VAZHDO TË LEXOSH MË TEPËR PËR TEMËN
Gazsjellësi Nord Stream 2/ SHBA kërcënon Gjermaninë
BE ‘pengesë’ për gazsjellësin rus/ Rregulla më të ashpra
