Gjykata e Posaçme e Apelit ka ndryshuar masën e sigurisë për ish-juristen e Bashkisë së Lushnjës, Blerta Turkun, nga “arrest me burg”, në “arrest shtëpie”.
Avokati i saj, Andi Hasanaj, në një prononcim për BW, tha se vendimi i fundit i gjykatës, vërtetoi pretendimet e tyre se Turku, nuk ka konsumuar asnjë vepër penale, por thjesht ka zbatuar ligjin.
“Masa e sigurisë së arrestit me burg, u zëvendësua me arrestin e shtëpisë. Këto janë një hap vërtetimit të pretendimeve tona që shtetësia Blerta Turku nuk ka shkelur ligjin, e vetëm ka zbatuar detyrën e nuk ka konsumuar asnjë vepër penale”, u shpreh avokati.
Kujtojmë se Blerta Turku u arrestua pas përgjimeve të SPAK, ku implikohej ish-kryetari Bashkisë së Lushnjës, Fatos Tushe dhe një sërë zyrtarësh të tjerë për shpërdorim detyre dhe favorizim në lëshimin e tenderave.
VAZHDO TË LEXOSH MË TEPËR PËR TEMËN
GJKKO tërhiqet për vendim për ish-kryebashkiakun Fatos Tushe
Pse akuzohen kryebashkiaku i Lushnjës dhe të arrestuarit e tjerë?
“Pazari” që çoi në pranga zyrtarët në Lushnje
