23.10.2021 - 15:43
Dy fitore minimale të skuadrave pretendente, por me shumë vlerë në këtë stacion të garës në Kategorinë Superiore. Kampionët në fuqi të Teutës fituan 0-1 në fushën e Rrogozhinës ndaj Egnatias.
Një sukses që vjen direkt pas humbjes me Tiranën dhe që vlen shumë. Teuta barazon Tiranën në krye të renditjes, të paktën provizorisht. Goli i fitores për durrsakët u realizuar nga Kallaku me penallti në 79’. Ishte Gruda që fitoi me zgjuarsi një penallti.
Në ndeshjen tjetër, Laçi fitoi po 0-1. Në Kamëz kurbinasit u treguan cinikë ndaj Kastriotit, duke lënë fundin e renditjes. Mazrekaj shënoi për miqtë në minutën e 71-të, duke qenë vendimtar.
