Atëherë ata thanë: “Ejani, të ndërtojmë një qytet dhe një kullë maja e qiellit, dhe të bëjmë një emër për veten tonë, që të mos shpërndahemi mbi faqen e tërë dheut”. (Zanafilla 11: 4, ESV )
Kulla e parë në botë, është ajo, Kulla e Babelit. Njerëzimi e kishte ndërtuar për ta arritur qiellin. Në librin e Zanafillës, shkruhet kështu: Njerëzit donin ta mbërrinin qiellin. Kështu, vendosën ta ndërtonin një Kullë, përmes së cilës të arrinin lartë. Mirëpo, Perëndia duke e parë këtë gjest jo të mirë të tyre, vendosi të shkatërrojë atë (Kullën). Kjo ndikoi që njerëzit të shpërndaheshin kudo në botë dhe të krijonin gjuhë, dhe zakone të reja.
Kërkimet e pareshtura të arkeologëve kanë bërë të mundur së fundmi, gjetjen e disa të dhënave që duket se po ndihmojnë lidhur me misterin e ekzistencës së Kullës së Babelit.
Provat përfshirë disa “materiale të pazakonta ndërtimi”, zbuluar në tullën që besohet si pjesë e kullës.
Bibla, njihet për natyrën misterioze të historive dhe profecive, por asnjëra më shumë se Kulla e Babelit. Ekzistenca e saj, u ka shpëtuar studiuesve për vite me radhë. Sipas Biblës, në kapitullin e Zanafillës 11:1-9, kulla u ndërtua në tokën e Shinarit në Babiloni, disa kohë pas përmbytjes së madhe.
Tulla u porosit nga mbreti Nebukadnetsar II, që sipas studiuesve, besohet se urdhëroi ndërtimin e saj. Besohet se, pasi njerëzit u sollën në Babiloni, Iraku i sotëm, u shndërruan në skllevër. Disa ekspertë besojnë se këta hebrenj të robëruar ishin dëshmitarë të ndërtimit të kullës dhe në fillim u magjepsën, por shpejt e panë strukturën si simbolin e të shtypjes së tyre.
Nga Express mësohen detajet rreth tulles së gjetur. Skaji i tullës është i mbuluar me një të zezë të errët, më konkretisht me bitum. “Në librin e Zanafillës, thuhet fjalë për fjalë, se ata përdorin tulla dhe gur me bitum për llaç.”- tregoi Dr Irving Finkel i Muzeut Britanik.
“Ajo që ne kemi është një tullë dhe bitumi që përshtatet saktësisht, në atë kontekst të veçantë kohor.”- thotë Finkel.
Provat mund të ndihmojnë për të vërtetuar ekzistencën e Kullës së Babelit, historia e saj e shkruar nga një “popullsi e dëshpëruar në mërgim dhe e mbajtur rob nga një mbret i pamëshirshëm”.
Nga ana tjetër përveç kullës, vendndodhja e saktë e Babilonisë ka qenë gjithashtu një tjetër pikë diskutimi. Shumë pretendojnë se qyteti antik ishte brenda kufijve të Irakut të sotëm, të tjerë thonë se ishte diku tjetër në Lindjen e Mesme.
A filluan njerëzit të flisnin gjuhë të ndryshme njëkohësisht, ashtu siç thotë shkrimi?
Në Shkrimet e Shenjta, kështu shpjegohet mënyra si filluan dhe u përhapën gjuhët. Një autor pohon: «Legjenda e Kullës së Babelit pa diskutim është një nga tregimet më absurde që është treguar ndonjëherë.» Madje edhe një rabin jude e quajti «një përpjekje naive për të shpjeguar origjinën e kombeve».
«Njëherë e një kohë të gjithë njerëzit jetonin në një fshat të madh dhe flisnin një gjuhë të vetme»,—thotë një tregim i një fisi në Mjanmar. Ndërsa ndërtonin një kullë të madhe, punëtorët «gradualisht përvetësuan sjellje, zakone dhe mënyra të foluri të ndryshme [dhe me kalimin e kohës] u shpërndanë në mbarë tokën». Legjenda të ngjashme gjen edhe midis popujve indigjenë të Afrikës, Azisë Lindore, Meksikës, etj.
VAZHDO TË LEXOSH MË TEPËR PËR TEMËN
Bibla (e plotë) që foli latinisht
A e inkurajon Bibla vetëflijimin përmes mosushqyerjes?
Abrahami dhe pse djemtë e tij u bënë armiq?
