Në kuadër të dy ndeshjeve miqësore me Maltën, trajneri i Kombëtares U-21, Alban Bushi, ka publikuar sot listën e lojtarëve të grumbulluar. Shqipëria U-21 do të luajë kundër Maltës më 16 nëntor, ora 19:00, në “Selman Stermasi” dhe më 19 nëntor, në “Loro Boriçi”, ora 19:00.
Në fjalën e tij, tekniku i kuqezinjve të kësaj grup-moshe ka nënvizuar: “Lista nuk mund të them që është e re, por ka shumë emra të rinj, sepse datëlindja 96-97 nuk merr pjesë për shkak të moshës.
Kemi lënë disa lojtarë nga kampionati shqiptar, por dua të provoj lojtarë të rinj. Malta është kundërshtar modest, por edhe ne jemi modestë. Vetëm Malta na ktheu përgjigje pozitive për këto miqësore. Malta është një ekip i mirë”.
Alban Bushi është pyetur edhe për prurjen e re, që vjen nga Serbia. Fjala është për Faton Dzemaili, që luan si mbrojtës te Radnik dhe ka pasaportë serbe e kosovare. “Nuk ka asnjë minutë në këmbë, por jemi në emergjencë për mbrojtës në krahun e majtë, prandaj e kemi grumbulluar’, – ka sqaruar trajneri.
VAZHDO TË LEXOSH MË TEPËR PËR TEMËN
Keqardhje, Shqipëria nuk reziston deri në fund…
Bushi shpall listën e Shpresës ndaj Spanjës
