Nga njëri event i rëndësishëm muzikor në një tjetër, këngëtaret shqiptare me famë botërore Dua Lipa e Bebe Rexha nuk mungojnë në asnjë ngjarje të rëndësishëm në muzikës.
Së fundmi Dua dhe Bebe janë bërë bashkë në Kanë të Francës, atje ku po mbahet “NRJ Music Awards”. E veshur me një fustan elegant, të zi në pjesën e sipërme dhe të qëndisur me pupla të bardha në pjesën poshtë, Dua Lipa dukej e vezulluese në këtë mbrëmje, në fotot që shpërndau në rrjetet sociale për ndjekësit e saj. “Ndjehem magjike në ‘NRJ Hit Music Only Awards’”, ka shkruar Dua në mbishkrimin e fotografive në Instagram.
Jo me më pak shkëlqim është dukur edhe këngëtarja tjetër e famshme shqiptare, Bebe Rexha. Ajo kishte veshur një kostum jeshil me shkëlqim, i cili vuri mjaft mirë në pah linjat e saj trupore.
Bebe Rexha në këtë mbrëmje ka pasur rastin të takohet sërish me Dua Lipën, me të cilën ruan një raport shumë të mirë miqësor.
VAZHDO TË LEXOSH MË TEPËR PËR TEMËN
Bebe Rexha, një plakë shqiptare!
Shqiptaret largohen “duarbosh” nga AMAs
