WhatsApp me sa duket do të vijë me një risi të re. Së bashku me mundësinë e përdorimit të një llogarie të vetme në dy telefona të ndryshëm, mundësia për të redaktuar mesazhet pas dërgimit është një nga funksionet më të kërkuara mes mbi 2 miliard përdoruesve të WhatsApp në botë.
Dhe kompania, e cila është pjesë e grupit Meta, duket e gatshme t’i dëgjojë. Nga një pamje e ekranit e publikuar nga Wabetainfo, së shpejti do të jemi vërtet në gjendje të ndryshojmë tekstin e një mesazhi pas dërgimit të tij.
Do të funksionojë kështu: mbani shtypur mesazhin që dëshironi të korrigjoni, në mënyrë që ta zgjidhni atë, klikoni në menunë me 3 pika dhe më pas klikoni Edit, duke bërë ndryshimet dhe mesazhi do dërgohet përsëri. Nuk është ende e qartë nëse do të ketë një afat kohor për modifikimin e mesazheve, domethënë nëse opsioni Edit do të jetë i disponueshëm vetëm për një numër të kufizuar minutash. Ende nuk dihet se kur do të jetë e disponueshme kjo veçori.
Së fundmi është raportuar se aplikacioni WhatsApp po synon të ndërpresë përkrahjen për sistemin operativ iOS 10 dhe iOS 11 gjatë tetorit të këtij viti. Kjo lëvizje e kompanisë Apple është paralajmëruar përmes njoftimeve që shfaqen me rastin e instalimit të versionit më të ri iOS, e që tregojnë se përkrahja për iOS 10 dhe 11 do të ndërpritet më 24 tetor.
WhatsApp rekomandon iOS 12 si opsion për përdoruesit e iPhone. Ndërkaq ata që vazhdojnë të përdorin iPhone 5s, iPhone 6 apo iPhone 6s, akoma do të mund të përdorin aplikacionin, por përdoruesit e iPhone 5 dhe 5c do të jetë më mirë që të fillojnë të mendojnë për një telefon të ri.
VAZHDO TË LEXOSH MË TEPËR PËR TEMËN
10 gjëra të pabesueshme që nuk ekzistonin 10 vjet më parë
