Ambasadori i Shqipërisë në Kroaci, z. Riza Poda, ka shtruar një pritje në Hotel Sheraton, një nga më prestigjozët në Zagreb, me rastin e 106-vjetorit të shpalljes së pavarësisë.
Në pritje morën pjesë ish-Presidenti kroat Stipe Mesic, mik i Shqipërisë dhe shqiptarëve, Sekretarë Shteti, Kryetari i Bashkisë së Zagrebit, deputetë kroatë e shqiptarë, ambasadorë, diplomat, gjeneralë dhe atashe ushtarakë të akredituar në Kroaci, përfaqësues të biznesit dhe universiteteve kroate, drejtues të shoqatave shqiptare që ushtrojnë aktivitetin e tyre në vend, miq të ambasadës e të ftuar të tjerë.
Himni kombëtar u interpretua nga këngëtarja e mirënjohur Manjola Nallbani, ndërsa himni kroat nga tenori i vendas Ronald Braus.
Në fjalën përshëndetëse Ambasadori Poda evidentoi marrëdhëniet tradicionale që ekzistojnë mes dy popujve dhe dy vendeve tona dhe veçantinë e këtyre marrëdhënieve.
Në Kroaci jeton një komunitet i madh shqiptar nga Kosova, i cili është tepër aktiv në jetën ekonomike, politike e sociale në vend. Shqiptarët kanë deputeten e tyre në parlamentin kroat, e cila mori pjesë në pritje.
Duke iu drejtuar në shqip përfaqësuesve të komunitetit shqiptar të pranishëm në pritje Ambasadori Poda theksoi rolin që ata kanë në forcimin e mëtejshëm të marrëdhënieve mes dy vendeve, si dhe mundësitë e gjera për të kontribuar dhe investuar në Shqipëri.
Pritja u shoqërua me muzikë, këngë e valle shqiptare të performuara nga këngëtarja Nallbani dhe Grupi “Sazet e Përmetit” që kishin ardhur posaçërisht nga Tirana.
Gjatë pritjes u servirën edhe ushqime tradicionale dhe verë shqiptare.
VAZHDO TË LEXOSH MË TEPËR PËR TEMËN
29 nëntori në mes të dy kokave të shqiponjës
Festohet sot 29 Nëntori, festa e Çlirimit të Shqipërisë
29 Nëntori/ Meta dhe Rama bashkë në homazhe
