Është heshur shorti i fazës kualifikuese për “Euro 2020”, që e ka vënë Shqipërinë përballë Francës kampione të botës. Kuqezinjtë kanë rënë Grupin H, ku janë edhe Islanda, Turqia, Moldavia dhe Andorra.
Grupi H
Francë
Islandë
Turqi
SHQIPËRI
Moldavi
Andorrë
Trajneri i Shqipërisë, Christian Panucci, foli në lidhje me shortin e hedhur në Dublin të Irlandës. Numri një i stolit mendon se skuadra e tij duhet të luftojë për vendin e dytë, pasi Franca është favoritja kryesore.
Shorti – “Mund të shkonte më mirë më keq, por ne e pranojmë. Do të bëjmë të pamundurën. Franca është favoriti kryesor.”
Shanset për kualifikim – “Gjëja më e rëndësishme për ne është të rikuperojmë lojtarët. Nëse nuk kam lojtarët nuk do të kem rezultate. Në Shqipëri nuk interesohen për gjendjen e lojtarëve, vetëm për rezultatin”.
Kundërshtarët – “Ne duhet të shkruajmë historinë dhe duhet të luftojmë për të fituar”.
Rikthimi i lojtarëve – “Shpresojmë që të kem të gjithë lojtarët gati. Uroj që të kemi lojtarët dhe të kemi zgjedhje”.
Ku dalim? – “Do provojmë të dalim të dytët, pasi Franca është favorite. Do të luftojmë me Turqinë dhe Islandën”.
VAZHDO TË LEXOSH MË TEPËR PËR TEMËN
Kombëtarja e njohur rrezikon “Euro 2020”
