Presidenti Emmanuel Macron po mendon të shpallë gjendjen e jashtëzakonshme pasi u takua me shefat e sigurisë të dielën për të kërkuar një zgjidhje për të ndalur protestat mbarëkombëtare.
Protestuesit e kthyen Parisin në një fushëbetejë të shtunën dhe vandalizuan monumentin e Harkut të Triumfit.
Ata kanë djegur dhjetëra makina, kanë plaçkitur butiqe dhe kanë shkatërruar shtëpi private dhe kafene, duke shkaktuar kështu trazirat më të mëdha që kryeqyteti ka parë që nga viti 1968.
Zëdhënësi Benjamin Griveaux tha se administrata e Macron po konsideronte shpallejn e gjendjes së jashtëzakonshme. Sipas tij, presidenti është i hapur për dialog, por nuk do të ndryshojë reformat politike. “Ne nuk do të ndryshojmë reformat. Ne jemi të sigurt për këtë “, tha ai për Radio Europe 1.
Protestat filluan si kundërpërgjigje ndaj rritjes së taksave të karburantit nga Macron, të nevojshme sipas tij, për të luftuar ndryshimet klimatike, por solli pakënaqësi të mëdha, dhe sipas shumë votuesve po favorizohet biznesi i madh.
Policia tha se ata kishte arrestuar më shumë se 400 vetë në Paris të shtunën dhe se 133 u plagosën. Rreth 10,000 depozita të gazit lotsjellës dhe granata ishin hedhur, ndërsa forcat e sigurisë luftonin për ta mbajtur situatën nën kontroll.
Para se të nisej për në takimin e së dielës me shefat e sigurisë dhe ndihmësit më të lartë, Macron u takua me siguri të madhe me policinë dhe zjarrfikësit pranë bulevardit Champs Elysees. Disa kalimtarë brohorisnin, të tjerët u tallën me të dhe të tjerë i bënë thirrje të jepte dorëheqjen.
Po ashtu Jean-Luc Melenchon, kreu i partisë së majtë të majtë La France Insoumise dhe udhëheqësja e ekstremit të djathtë Marine Le Pen, kërkuan që parlamenti të shpërbëhet dhe të thirren zgjedhje të menjëhershme. Megjithatë, një rezultat i tillë nuk ka shumë gjasa të ndodhë.
VAZHDO TË LEXOSH MË TEPËR PËR TEMËN
Protesta në Francë/ një i vdekur, dhjetëra të plagosur
5 ditë protesta në Francë/ Një tjetër i vdekur
