Kosovë
Kryeministri i Kosovës, Ramush Haradinaj ka thënë para deputetëve të Kuvendit se formimi i Ushtrisë së Kosovës është proces i brendshëm, vendim sovran dhe në përputhje me Kushtetutën e Kosovës, që është ndër më të avancuarat në botë.
Haradinaj tha se formimi i Ushtrisë së Kosovës nuk i rrezikon raportet me NATO-në.
Kosovë
Kryeministri i Kosovës, Ramush Haradinaj ka zhvilluar një bisedë telefonike me Sekretarin e Përgjithshëm të NATO-së, Jens Stoltenberg, lidhur me transformimin e FSK-së në Ushtri.
Haradinaj theksoi se gjatë bisedës me Stoltenberg e ka njoftuar se vendimi për tranforimimin e FSK-së është vendim sovran i Kosovës, i cili do të votohet më 14 dhjetor dhe përmban në vete vizionin dhe vullnetin e qytetarëve të Kosovës që të ruajnë dhe mbrojnë vlerat perëndimore.
Kosovë
Zëvendëskryeministri i Kosovës, Fatmir Limaj, tha se komisionari për Politika Evropiane të Fqinjësisë dhe Negociata të Zgjerimit, Johaness Hahn nga afër është njoftuar për vendimin e qeverisë së Kosovës për taksën 100 për qind ndaj produkteve të Serbisë dhe të Bosnjës e Hercegovinës.
Ai vlerësoi se Kosova nuk humb asgjë nga vendimi i qeverisë.
Maqedoni
Në debatin e parë publik për katër draft-ndryshimet në Qeverinë e Maqedonisë u prezantuan propozime dhe vërejtje nga ana e ekspertëve dhe sektorit joqeveritar.
Kryeministri i Maqedonisë, Zoran Zaev, tha se ekziston pranim dhe mendime pozitive për pranimin e propozimeve të caktuara të dhëna në Komisioni kuvendar dhe në seancë plenare. Ai përsëriti se ndryshimet nuk do të jenë pjesë e Kushtetutës nëse Greqia nuk e miraton marrëveshjen e Prespës dhe Protokollin për anëtarësimin e Maqedonisë në NATO.
Serbi
Ministri i Punëve të Jashtme i Serbisë, Ivica Daçiç, ka deklaruar se numri i vendeve që e kanë njohur pavarësinë e Kosovës “së shpejti” do të bie nën 100.
Daçiç është i bindur se do të bie nën gjysmë numri i vendeve anëtare të OKB-së, që në total janë 193 vende.
Kosovë
Ministri i Punëve të Jashtme të Kosovës, Behgjet Pacolli, ka reaguar pas raportimeve të mediave serbe për deklaratat e tij në Gjermani lidhur me një zonë ekonomike për veriun e Kosovës.
Pacolli përmes një publikimi në Facebook ka thënë se mediat serbe kanë devijuar qëllimshëm deklaratat e tij. /Konica.al/
VAZHDO TË LEXOSH MË TEPËR PËR TEMËN
Haradinaj: Nuk rrezikohen marrëdhëniet me NATO-në
Haradinaj bisedë telefonike me sekretarin e NATO-së
‘Koha për marrëveshje finale Kosovë-Serbi’
