“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë e shkakton atakun kardiak?
Mjeku: Ataku kardiak ndodh kur fluksi i gjakut të pasuruar me oksigjen pakësohet ose ndërpritet përpara se të arrijë muskulin e zemrës. Arteriet koronare të ngushtuara për shkak të krijimit të pllakave sklerotike (ateroskleroza) janë shpesh shkaku. Kur këto pllakëza shkëputen nga muret e arterieve, gjaku mpikset përreth tyre, duke bllokuar fluksin e gjakut, gjë që çon në ishemi kardiake (pamjaftueshmëri). Ataku kardiak dëmton muskulin e zemrës, dhe shkalla e dëmtimit varet shumë nga shpejtësia e marrjes së ndihmës së parë mjekësore.
Shkaqet dhe faktorët e riskut.
Arsyeja më e zakonshme për atakun kardiak është ngushtimi ose bllokimi i arteries koronare, e njohur si sëmundja e arteries koronare. Gjatë një ataku kardiak, pllakëzat sklerotike që shkaktojnë ngushtimin e arteries, shkëputen dhe përziejnë gjakun me kolesterolin dhe elementët e tjerë të pllakëzave sklerotike. Kjo, shkakton trombozë, që mund të bllokojë tërësisht qarkullimin e gjakut në arterie.
Për më tepër, dhe në raste mjaft të rralla të quajtura spazma të arteries koronare, mund të ndodhin edhe në një enë gjaku të shëndetshme ose në ato që janë të bllokuara nga ateroskleroza. Këto spazma shpesh janë të lidhura me përdorimin e substancave ilegale si kokaina. Kur këto spazma janë të forta mund të shkaktojnë një atak kardiak.
Faktorët e riskut:
• Meshkujt mbi 45 vjeç
• Femrat mbi 55 vjeç
• Duhanpirja
• Hipertensioni
• Kolesteroli i lartë në gjak
• Niveli i lartë i triglicerideve
• Diabeti
• Historia familjare
• Fibrilacioni arterial
• Aktiviteti i ulët fizik
• Obeziteti
• Stresi
• Përdorimi i drogës
• Sëmundje autoimune
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
“Po flisja në telefon me nënën kur pësova atak kardiak”
A është çdo dhimbje e fortë alarm për atak kardiak?
A është çdo dhimbje e fortë alarm për atak kardiak?
