Juventus nuk njeh rivalë në Serie A, duke marrë fitoren e 16-të në 17 javë kampionat. Sonte në mbrëmje kampionët e Italisë fituan 1-0 ndaj Romës dhe thuajse po e mbyllin fazën e parë në perfeksion, teksa kanë vetëm një barazim.
Për suksesin e radhës ka menduar përsëri Mandzukic, që duket se u shënon vetëm skuadrave të mëdha. Pas një krosi nga e djathta, sulmuesi kroat kërcen me kokë dhe mposht portierin mik në minutën e 35-të.
Në pjesën e dytë, Ronaldo ka pasur dy mundësi të mira shënimi, por portieri i Romës ka qenë në lartësinë e duhur. Në fund, në minutën e 92-të, Costa ka shënuar golin e dytë, por është anuluar, pasi më parë ka bërë faull.
Juventus shkon në 49 pikë, duke lënë pas Napolin me 8 pikë diferencën. Ndërsa Roma me këtë ritëm nuk do të arrijë të futet në Champions League, madje rrezikon edhe pjesëmarrjen në Europa League.
VAZHDO TË LEXOSH MË TEPËR PËR TEMËN
Lazio dhe Arsenal identik, fitojnë nga 3-1
Milan humb vendin e 4-t, Albiol nderon Napolin
