Kushdo që mendonte se tensioni nuk kishte gjasa të përshkallëzohej më tej në rajonin e Lindjes së Mesme, ndoshta po mendon sërish të gjithë skenarët e mundshëm që do të ndodhin tani…
Vetëm disa orë pas lajmit për vrasjen e figurave të larta të Hamasit në Bejrut të martën e kaluar, një sulm i dyfishtë me bombë tronditi qytetin iranian të Kermanit, duke vrarë të paktën 84 persona dhe duke plagosur më shumë se 280.
Dy bomba shpërthyen dje, pak minuta larg njëra-tjetrës, pranë varrit të Qasem Soleimanit, i cili u vra nga një sulm amerikan në vitin 2020 në Irak. Dy bombat e djeshme ndodhën, jo rastësisht, në katër vjetorin e vdekjes së Soleimanit, sulmuesit me sa duket të prirur të shkaktonin sa më shumë viktima që të ishte e mundur, pasi e dinin se turmat do të mblidheshin në zonë për përvjetorin.
Por kush qëndron pas këtij sulmi?
Udhëheqja e Iranit, nga ana e saj, nxitoi të fajësonte Izraelin dhe SHBA -në. Presidenti iranian Ebrahim Raishi deklaroi se regjimi sionist do të paguajë një çmim të rëndë për këtë dhe krimet e tjera që ka kryer. Mohammad Jamsidi, një këshilltar i lartë i presidentit iranian, fajësoi jo vetëm Izraelin, por edhe SHBA-në për sulmin më vdekjeprurës terrorist që tronditi Iranin që nga viti 1978.
Amerikanët, megjithatë, nga ana e tyre, nxituan të mohojnë prerazi çdo përfshirje, duke theksuar se as ata dhe as Izraeli nuk kanë lidhje me sulmet në fjalë.
“Sulmi më 3 janar nuk përputhet me operacionet e mëparshme izraelite në Iran, të cilat në përgjithësi kanë ndjekur objektiva specifike ushtarake ose strategjike. Duket se ka më shumë gjasa të jetë vepër e grupeve terroriste që veprojnë në Iran, si militantët islamikë me lidhje me ISIS-in që kanë kryer sulme të tilla në të kaluarën”, tha Gregory Brew, një analist iranian në Eurasia Group.
Brew kujton se iranianët më parë kanë “fajësuar” për sulmet terroriste organizatat terroriste sunite si ISIS-K ose Shteti Islamik i Khorasanit.
VAZHDO TË LEXOSH MË TEPËR PËR TEMËN
A do të dëmtojë vërtet embargoja e naftës makinën ruse të luftës?
