I kërkuari nga Kosova për sulmin terrorist në Banjskë, Milan Radoiçiç, ka festuar si “komandant” i lirë ditëlindjen e tij të 46-të në Kopaonik të Serbisë, bazuar në pamjet që janë publikuar në rrjete sociale të enjten. Videon e ka publikuar edhe politikani serb Nemanja Saroviç, raporton Koha.
“Milan Radoiçiç ishte në Kopaonik dje. Me fishekzjarrë dhe banerin ‘Urime ditëlindjen komandant’ festoi ditëlindjen e 46-të. Çfarë i ka dhuruar Aleksandar Vuçiçi?” ka pyetur udhëheqësi i lëvizjes politike “Dashuri, Besim, Shpresë” në Twitter.
Në video shihet Radoiçiçi nga prapa teksa u afrohet disa burrave që mbajnë banerin. Në video shihen edhe fishekzjarrët.
Милан Радоичић је јуче на Копаонику, уз ватромет и транспарент “СРЕЋАН РОЂЕНДАН КОМАНДАНТЕ!!!” прославио 46. рођендан.
Шта ли му је @avucic поклонио? pic.twitter.com/iZUEqfWX4i
— Немања Шаровић (@NemanjaSarovic) February 22, 2024
Radoiçiç ka marrë përgjegjësinë për sulmin terrorist të 24 shtatorit në Banjskë të Zveçanit, ku mbeti i vrarë polici Afrim Bunjaku. Në aksionin pasues të Policisë së Kosovës, u vranë tre sulmues. Shumica e sulmuesve ikën. Pamjet kanë treguar qartë udhëheqjen e grupit nga Radoiçiçi. Ai ka pranuar përgjegjësinë, ndërsa në Serbi është liruar.
Ditë më parë, ministri i Punëve të Brendshme i Kosovës, Xhelal Sveçla, njoftoi se të gjithë të dyshuarit për sulmin terrorist në Banjskë të Zveçanit janë vendosur në sistemin e urdhërarrestit ndërkombëtar të Interpolit.
VAZHDO TË LEXOSH MË TEPËR PËR TEMËN
Fletarresti për Radoiçiç/ VV kritikon raportimet për shfuqizim
“Nëse nis konflikti, ushtria serbe merr gjithë Kosovën”
