Bashkimi Evropian u ka bërë thirrje sot Kosovës dhe Serbisë t’i zbatojnë të gjitha marrëveshjet e arritur në dialogun që blloku e ndërmjetëson mes tyre prej vitit 2011. Ndër të tjera, BE ka thënë se themelimi i Asociacionit është ndër çështjet më urgjente.
Në 11 vjetorin e arritjes së marrëveshjes, zëdhënësi i BE-së, Peter Stano, deklaroi se Kosova do të përballet me pasoja nëse nuk e zbaton.
“Të gjitha marrëveshjet e arritura në dialogun e lehtësuar [nga BE] janë dokumente të vlefshme dhe detyrime të palëve. Ato duhet të zbatohen. Dhe këtë po e përsërisim para palëve.
Nëse palët nuk i zbatojnë obligimet e tyre, atëherë do të ketë pasoja serioze. E të vetmit që do t’i ndiejnë këto pasoja, do të jenë njerëzit të cilët ata pretendojnë se po i mbrojnë. Të vetmit, pra, që do të paguajnë çmimin për mos zbatimin e obligimeve në dialog, do të jenë qytetarët në Kosovë dhe në Serbi“ – tha Stano.
VAZHDO TË LEXOSH MË TEPËR PËR TEMËN
‘Kosova mund t’i bashkohet Shqipërisë’
‘Mbështesim çdo marrëveshje të pranueshme për Serbinë’
‘Ideja për shkëmbimin e territoreve ka vdekur’
