Pas humbjes një javë më parë me Kamzën në shtëpi, Tirana përsëri nuk ka arritur të fitojë në “Selman Stërmasi”, teksa ka barazuar 0-0 në javën e dytë të Kategorisë Superiore.
Ndonëse ka dominuar në shumicën e ndeshjes, të mbështetur edhe nga tifozët e shumtë bardheblu, ekipi i Tiranës ende nuk është zhbllokuar në dy ndeshjet e para, duke mos arritur dot të gjejë rrugën e rrjetës.
Rikthimi në Kategorinë Superiore nuk ka rezultuar me fat për Tiranë, teksa pas dy javësh ka vetëm 1 pikë. Ndërsa për Teutën mund të konsiderohet një pikë pozitive, duke qenë se ishte ndeshje në transfertë.
TIRANA-TEUTA 0-0
Tirana: Abibi, Doka (71′ Kërçiku), Turtulli, Atinga, Hoxhallari, Karabeci (74′ Greca), Maveje, Hasani, Kobinah, Sentamu, Blazhevski. Trajner: Ze Maria
Teuta: Hidi, Gjeorgjievski, Bicaj, Osmani, Hakaj, Avdyli (88′ Shkalla), Sidibe, Kruja, Kamara (40′ Vecaj), Traore (56′ Beqja), Latif. Trajner: Bledi Shkëmbi
KV: Maveje / Vecaj, Hakaj
Gjyqtar: Kridens Meta
