Kryeministrja britanike Theresa May ka paralajmëruar ligjvënësit se nëse nuk mbështetet plani i saj për t’u larguar nga Bashkimi Evropian do të shkaktonte katastrofë për Britaninë, dy ditë përpara votimit në parlament që ajo pritet të humbasë.
Ligjvënësit do të votojnë të martën për marrëveshjen e Brexit, pasi ajo braktisi planet për një votim në dhjetor, kur u bë e qartë se jo shumë ligjvënës nga partia e saj do të mbështesin marrëveshjen që ajo ra dakord me Brukselin.
“Kjo do të ishte një shkelje katastrofike dhe e pafalshme e besimit në demokracinë tonë”, mund të thuhet.
“Kështu që mesazhi im për Parlamentin këtë fundjavë është i thjeshtë: është koha të harrojmë lojrat dhe të bëjmë atë që është e drejtë për vendin tonë”.
Të premten, ministri i saj i jashtëm Jeremy Hunt tha se Brexit mund të mos ndodhë fare nëse marrëveshja e kryeministres nuk merr mbështetjen e duhur.
Hunt ka paralajmëruar se Mbretëria e Bashkuar do të përballet me “paralizën e Brexit” në qoftë se deputetët e kundërshtojnë marrëveshjen e Theresa May të BE.
Duke folur për programin e BBC Radio 4, Hunt paralajmëroi se humbja për qeverinë të martën nuk do të çonte në marrjen e Brexit që ata donin.
Ai tha se Parlamenti po përpiqej të gjente një mënyrë për të ndaluar Brexit pa marrëveshje. Sipas tij kjo do të ishte një shkelje e besimit të publikut.
Britania, ekonomia e pestë më e madhe në botë, do të largohet nga Bashkimi Europian më 29 mars.
Kryeministrja pritet të humbasë votimin e të martës së ardhshme mbi marrëveshjen e tërheqjes të negociuar midis Mbretërisë së Bashkuar dhe BE-së, me më shumë se 100 deputetë konservatorë, që duket se do të votojnë kundër.
Laboristët gjithashtu do të kundërshtojë marrëveshjen, por lideri Jeremy Corbyn ka këmbëngulur se zgjedhjet e përgjithshme janë ende përparësia e tij kryesore nëse marrëveshja refuzohet.
Ajo që vihet re këto ditë është një fushatë e ethshme, e cilësuar si “projekti i frikës”, për të vënë në pah rreziqet e mosaprovimit të marrëveshjes javën e ardhshme nga Parlamenti.
VAZHDO TË LEXOSH MË TEPËR PËR TEMËN
Agonia e vazhdueshme e Brexit…
“Tronditet” Britania/ Brexit mund të anulohet?
2019, vit vendimtar për Evropën…
