Rafael Nadal ka avancuar në raundin e katërt të grand slam të Australian Open ashtu si Roger Federer. Tenisti spanjoll fitoi sot paradite 3-0 (6-1, 6-2, 6-4) ndaj australianit Alex De Minaur, ndeshje që ishte një formalitet për numrin 2 në botë.
Nadal e dominoi lojën në të trr setet, duke avancuar për më tej dhe po projektohet një përballje e madhe mes tij e Federer.
Te femrat, në ndeshjet e ditës së fundit të ditës së pestë të Australian Open, spikat fitorja e tenistes çeke Petra Kvitova, numri 6 në botë, që mundi 2-0 (6-1, 6-4), zviceranen Belinda Bencic.
Surpriza e ditës ishte eliminimi i francezes Caroline Garcia, që u mund po 2-0 (6-3, 6-2) nga tenistja amerikane Danielle Collins.
Pas eliminimit që në raundin e parë të grand slam të Australian Open, u përfol se tenisti britanik Andy Murray mund të tërhiqej nga sporti. Tërheqje që vetë ish-numri 1 në botë e pat deklaruar një javë më parë, por duket se Murray ka ndryshuar planet.
Murray ka deklaruar se mund t’i nënshtrohet një operacioni në kofshë javën e ardhshme, duke u tërhequr nga turneu i Marsejës, që zhvillohet në shkurt.
VAZHDO TË LEXOSH MË TEPËR PËR TEMËN
Plot 4 orë lojë për numrin 4 të botës…
