Bayern Munchen e ka nisur mirë vitin 2019 në Bundesliga. Pas trofeut të “Telekom Cup”, bavarezët marrin tri pikë në kampionat, pasi mundën 3-1 në transfertë Hoffenheim.
Është parë një Bayern grintoz dhe me shumë dëshirë në fushë. Megjithatë, goli i parë do të vinte në minutën e 34-t, kur Goretza realizon. Për të ardhur në shtesën e fraksionit të parë, teksa sërish Goretza shënon.
Me një avantazh 2-0, pjesa e dytë, gjithsesi, nuk ka qenë e lehtë për miqtë bavarezë. Hoffenheim ka rritur presionin dhe është shpërblyer në minutën e 59-të, teksa Schulz ka ngushtuar në 1-2.
Bayern Munchen ka frymë lirshëm vetëm në minutën e 88-të, kur Lewandowski shënon golin e tretë. Ishte goli i 11-të në Bundesliga për polakun, 1 më pak se dy kryesuesit.
Ky sukses e afron Bayern 3 pikë me Dortmundin kryesues, që nesër do të luajë në fushën e Leipzig. Dueli në distancë tashmë ka nisur…
