Është zbuluar një anije gjermane, pjesë e flotës së zhdukur të Adolf Hitlerit, që gjatë Luftës së Dytë Botërore u fundos në Detin e Zi .
U-23 ndodhej 40 metra nën sipërfaqen e ujit, rreth 3.7 kilometra larg nga bregu i Agvas, një destinacion turistik rreth 97 km nga Stambolli.
Zbulimi i madh u bë gjatë xhirimeve të një dokumentari të prodhuar nga transmetuesi publik turk dhe nga marina e vendit.
Pamjet u morën nga TCG Akin e marinës turke, anije që përdoret për shpëtimin e nëndetëseve, që në mesin e pajisjeve të saj ka një aparat fotografik i cili mund të zhytet deri në 1,000 metra.
Anija ishte pjesë e një flote prej 6 nëndetësesh që lundruan nga Gjermania në Rumani në fillim të luftës, duke bërë që të udhëtonin rreth 2,000 milje nga porti Konstancës në Detin e Zi.
Të gjitha anijet U-18, U-19, U-20, U-21, U-22, U-23 janë pjesë e flotës së humbur të Hitlerit dhe kanë frymëzuar një sërë ekspeditash nënujore për t’i gjetur.
Në vitin 2018, zhytësit gjetën rrënojat e U-20, që ishte pjesë e flotës së dërguar nga Hitleri për të sulmuar anijet luftarake ruse në Detin e Zi.
VAZHDO TË LEXOSH MË TEPËR PËR TEMËN
